Cerita Singkat Oppung Korsik

OPPUNG KORSIK


I Simalungun adong ma sada harajaon aima Harajaon Dolok Silau na ija sonari itandai hita namargoran Kecamatan Dolok Silau, Raja namamarentah ijon aima marga Purba Tambak, iama ase isobut anggo asalni Purba Tambak aimah hun Dolok Silau.

Raja on bahat do panglima porangni janah jago do bani taktik marporang, manahan mussuh naihoma nalaho pabolakhon daerah harajaonni Raja Dolok Silau, jadi salah sada panglima porangni Raja nuan aima na isobut sonari i daerah ai Oppung Korsik, Buei do naboi ibahenni janah sakti do ia. Jago marporang pakon mabiar do ganupan mussuh mangidahsi. Halani saktini buei do jolma makhatahon anggo idogeini tanoh seng boi ia ididah mata anjaha maningon habang tarawang-awang do ia ase taridah. Marhiteihon ni ai buei do mussuh na tarbunuh ibahen pasukanni sonai age pakon tentara ni halak Bolanda (Belanda).

Jadi sada panorang sanggah mulak humbani parporangan lewat ma pasukanni on humbani sada juma ija ijai bueido durian namarbuah. Jadi ipangindo pasukanni on ma hunbani namaroppu durian ai piga-piga durian bahen sipanganonni sidea, jadi nini oppuni durian ai ma. Domma sada ari hupaima dabuhni durian on tapi seng ope adong dapot nami, anjaha sihol do tumangan uhur nami homa manganhon durian ai, jadi anggo dong madabuh buahni durian on, marlumba ma hita mambuat ase ise namandapot bani ma buahni durian ai. jadi sauhur ma sidea ibahen perjanjian ai, ibagashonni ai sakti do hepeni oppuni durian on anjaha sanngah madabuh durian ai boi do takkaponni buahni ai age pe lape das hutoruhni tanoh buahni durian ai.

Loja ma pasukkannin on anjanah seng dong ope dapot sidea durian ai, jadi roh ma sada humbani piga-piga halak pasukan ai manjuppahi Oppung Korsik ai, jadi nini ma " Seng boi dapot nami buahni durian ai oppung halani sakti do oppuni durian ai, anjaha maningon marlumba do mambuat buahni ai ase boi panganonta", Jadi nini oppung Korsik ai ma mambalosi, " Paima nima ma ipinggirni bonani durian ai", jadi laho ma pasukanni ai laho paimahon dabuhni durian ipinggirni bonani durian ai. Jadi hundul ma Oppung Korsik ai anjaha ipalenglengni ma badanni husiambilou, mittor dihutma maleng-leng bonani durian ai, dob hossi ai ipaleng-leng ma use husiamun, sonai torus marulak-ulak jadi mittor maleng-leng ma dihut bonani durian ai. Jadi bahatma madabuhan durian ai anjaha mabiar ma oppuni durian ai halani bueini madabuh. ipatuppu pasukkanni ma buahni durian ai anajaha i pangan sidea ma durian ai.

Jadi mulak ma sidea hu harajaon Dolok Silau, Dob hossi ai lao ma use sidea marporang hu huta nalegan, songon na biasa nalaho parborhatkon panglima Oppung Korsik, dong do sada ritual na ibahen raja, marhiteihonni Piso Koris (Keris) ni Raja na sakti ai, anggo ipadarat raja humbani sarungni koris ai, janah boi masuk hu sarungni mararti ma ai lancar janah selamat do sidea ibagas parporangan, jadi itarik Raja ai ma korisni ai tapi sanggah pamasukkon koris on use hu ingananni lang tarpamasuk, janah nini Raja ma hubani "Ulang pala laho lobe ho marporang " (Ijon Panglima Oppung Korsik on pakon Raja aima sada keluarga). Jadi ninima mambalosi, " Laho do au,koris mu in do napayah ipamasuk ai Raja nami ". Jadi halani bulatni uhurni nalaho pabolakkon tanoh harajoonni Dolok Silau i parborhat raja ai ma sidea.


Bersambung lobe tene.....

Cerita Orang Bunia dari Suku Batak Simalungun

TURI-TURIAN NI SIMALUNGUN

HABONARAN

              Adong ma sada huta i sada daerah Tanoh Simalungun, ijai tading ma adong sada keluarga na domma dapotan niombah. Bapa on rajin do tumang laho marbubu atappe mambuat dekke bah janah sering do i huta on isobut goranni parbubu (alat khas penangkap ikan simalungun yang terbuat dari bambu).

Gati do Bapa on dapotan ihan janah buei do somalni iboan hu rumah, tapi bani sada panorang songon na somalni bapa on laho mangolar atap pe manonggor dekke ibagas bubuni songgot tumangan ia manononggor, halani buei tading sisik ni ihan on ibagas bubuni bapa on, tapi marsada dekke pelang dong ibagas, jadi tubuh ibagas uhurni mungkin domma lobei nan ulog atap pe borang-borang (berang-berang) mangakkon dekke na i bagas bubu on nini uhurni bapa on.

Bani panorang sogodni, bani panorang biasani ia mangolar bubuni tong dapotni kejadian na songon ai, jadi mittor sukkun-sukkun ma i bagas uhurni, sambil marpikkir aha namambuat dekke ai, ididah bapa on ma bokasni nahei ni anak-anak bani hubang dalan panonggoran bubuni bapa on. Jadi marah ma tumang ibagas uhurni bapa on janah tubuh ibagas uhurni laho mangonggopi panakko dekke na bun bagas bubuni bapa on. Jadi bani sogodni sepe ope martahuak dayok laho ma ia hu ianan parbubuanni janah monggop/marbuni ma ia bani longabegu natubuh i pinggirni bah ai, jadi ipaimani ma ise do jolma na gati mambuat dekke humbani bubuni bapa ai. Sanggah panorang domma mulai poltak matani ari roh ma sada na laho mambuat isini bubu on, badanni etek janah gondok homani halakni, pas bani panorang mambuat dekke on mittor itakkap bapa on hun pudini janah tarsonggot ma jolma namabuat ihanni bapa on. janah mittor nini ma " Ampun oppung, ulang pamateon mu au " nini ma. Sanggah itonggor bapa on bohini jolma on heran janah longang do ia halani ai dope ongga ididahni jolma na gondok janah etek tapi domma lumayan marumur halani taridah hunbani gumis pakon jenggot ni. Jadi nini bapa on ma hubani " Ho do hapeni sadokah on namanakko dekkeku ai, huboan ma ho hu huta ase ibotoh halak ho do panakko dekke ai. "

Jadi ibalosi jolma namarbadan etek tapi pondok (on ma na isobut hita Habonaran/Homin) hubani bapa on " Ulang sonai oppung, age suruh-suruhan mu au hunjon huatas on, asalma ulang iboan ham au huhuta janah lang ipatidak ham au bani jolma namabuei", jadi bapa on pe mittor mangilu ma milasni pusu-pusuni halani hatani ai. nini bapa on ma hubani " Ra do ho makhorja hujumakku? ", mittor ibalosi habonaran on ma " Ra do oppung, tapi bere ham tong bakku indahan sabahul-bahul gok ni nalaho sipanganonhu pakon hasomanhu. Janah ibahen hita ma sada parjanjian anggo marhorja au i juma mu ulang pala itonggor-tonggor ham au marhorja pakon hasomanhu, siap itaruhkon ham indahan ai mitto mulak ma ham hu huta".Jadi sonai parjanjian na ibahen bapa on pakon habonaran on, marhorja ma tong habonaran on i jumani bapa ai, anajaha seng ongga dong horja na lang solosei ganupan horja siap.

Bani sada panorang i suruh bapa on ma boruni hujuma laho manaruhkon indahan na sabahul-bahul gokni ai hu juma, janah itonahkon bapa on bani boruni ase mulak anggo domma siap manaruhkon indahan on. sahali -dua hali ibogeihon boruni on do hatani bapa on, tapi tubuh do sada sukkun-sukkun bani uhurni boruni on. Mase ma boi salosei ganupan horja nami ijuma tapi seng ongga dong taridah ise namarhorja i juma on? nini ibagas uhurni. Jadi untuk mambalosi sukkun-sukkun na ibagas uhurni on irencanahon ma na laho manonggor atappe mangonggopi jolma namarhorja i jumani ai.jadi dob hossi itaruhkonni indahan ai marbuni ma ia, i tutupi ni ma badanni pake aribut( na biasa ipake jadi atap ni rumah simalungun sapari atappe boi ididah hita i rumah adat simalungun), das ma panorangni roh ma rombonganni habonaran on janah ibuat ma indahan on jadi nini habonaran na sada ma hu habonaran na legan, "Bau manisia " nini sidea jadi mittor manggila ma rombonganni habonaran on nunut idarami ma boruni ma bapa ai, dob ai juppah haboran on ma boruni ai tutup bani aribut mittor iparsilbak sidea ma boruni on anjanah marujung goluh ma boru ni on.

Halani domma sore lang mulak boru ni bapa ai, roh ma ia hujuma anjaha tarsonggot do  ia mangidah halani nadob marujung goluh boru ni ai, jadi roh ma habonaran on mittor ninima "Seng siparutang be au hubamu oppung, halani parjanjianta domma ilanggar ham", jadi tangis ma bapa on anjaha misir ma habonaran ai, anjanaha seng ra be sidea dohor humbani hulananni jolma sampe sonari.

Jadi bueido cerita atappe turi-turian na itangar hita humbani halak simalungun mengenai habonaran on tene, janah ibahen do on jadi sada semboyanni halak simalungun aima : "Haborana Do Bona", memang tongon do anggo haboran (kebenaran) ai ma sada urat(akar) namambahen hita totap boi jong-jong bani hagoluhan on. Songon na gabe sada renungan hubanta ase totap hita manjolom nabonar mandalani hagoluhan on.

Tarimakasih.